Si n’hè andatu Stéphane Casalta
Photo Facebook
Si hè imparatu sta mani ch’iddu si n’era andatu à l’eternu Stéphane Casalta.
Artistu cumplettu, era autori, cumpunitori è interpreta.
Anzianu di a Filetta, membru fundatori di Giramondu, Stéphane Casalta hà avviatu dopu a so carriera da par iddu, cuntinuvendu quantunca à sparta a scena cù parichji artisti corsi, com’è Patrizia Gattaceca o Jean-Paul Poletti.
Stéphane Casalta avia creatu in Bastia u so studiu Arcipelagu, ind’iddu prupunia à l’artisti u so sapè fà, da l’arrighjistramentu à l’accunciamenti, tucchendu ancu à a pruduzzioni.
A squadra d’Alta Frequenza prisenta i so dulianzi sinceri à a so famidda è à i so amichi.
Sur le même sujet
