Le Direct

Session particulière à l'Assemblée de Corse ce jeudi : trouver un chemin pour passer des drames à l'espoir

Stundi pulitichi, stundi sullenni : ghjovi dopu meziornu, ùn hè stata po’ urdinaria a sissioni di l’assemblea.

Yvan Colonna era prisenti longu à ugni dibattitu. Un tempu di dolu, ma ancu d’esigenza di virità è ghjustizia, un duveri di risultatu : eccu ciò ch’iddi sò stati l’idei maestri d’issi dibattiti.

In chjudenda lla ghjurnata, Gilles Simeoni hà dittu tutta a so emuzioni, ma ancu a so vulintà è a so ditirminazioni.
Dopu ad avè spostu a so pena, u prisidenti hà presu nota di a forza di l’unioni in iss’assemblea, innanzi d’attaccà a prima riunioni in parigi vennari ch’entri.

L’unità, ancu cù pinsà è dumandi diversi, pudaria essa à l’iniziu d’un mumentu storicu, hà dittu Gilles Simeoni.

Steti lu à senta.

Laurent Marcangeli, u prisidenti di « Un Soffiu Novu », hà dittu chì l’assassiniu d’Yvan Colonna teni à veru un carattaru puliticu.

U merri d’Aiacciu hà dumandatu virità è ghjustizia pà issu micidiu.

Hà dittu ch’iddu ùn avia paura di l’autunumia o di a coufficialità. Ma par iddu, issi dicisioni si devini piddà via un rifarendu.

Steti lu à senta.

Jean-Christophe Angelini hà dittu chì a Corsica hà campatu una stunda di dolu bedda greva. Ma à senta lu, issa sissioni devi purtà à rifletta à ciò ch’iddi sarani i stundi à vena.

U capifila d’Avanzemu l’hà ditta, u so gruppu ci andarà, in parigi, senza niscintria ma senza vulintà di rumpa. È mancu ùn ci pensa à uppona l’assemblea è a voci di u carrughju.

Steti lu à senta.