Sept anciens nationalistes demandent au PNC, à Corsica Libera et à Core in Fronte de soutenir la démarche Autonomie de Gilles Simeoni
À l’affaccà d’una sissioni impurtanti di l’assemblea corsa, setti anziani militanti, accolti in a dimarchja « Pà u Populu è pà a Nazioni corsa, tutti insemi », dani a so analisi di u raportu pà l’autunumia.
« Cunsidaremu chì calchì midduranza si pò purtà in i sittimani à vena da arricchì u prughjettu. Ma a primura maiori ùn hè quissa, è u fundu puliticu chì no’ bramaiami ci si trova : l’isturicità, un titulu spicificu, una legi urganica, i cumpitenzi lighjislativi, u Populu Corsu, a lingua, a rivisioni custituziunali, u rifarendu…. », dici u so cumunicatu.
« À parè nosciu, issa pruposta hè una basa di discussioni intarissantissima è forti, ch’iddu ci voli oramai à purtà cullittivamenti in parigi.
Dumandemu dunqua à u PNC, à Corsica Libara è à Cori in Fronti di sustena publicamenti è glubalmenti issa dimarchja, senza fà neci, senza puntiddà nè pattià, chì a intizioni di fà altri pruposti nuciaria à u missaghju di a Corsica è vinaria à indibulì lu, di pettu à unu statu chì t’avaria tandu a scusa par ùn fà nienti », avertini l’anziani militanti, chì dumandani à Gilles Simeoni di « metta in anda una struttura pirmanenti da avvià issa dimarchja, chì accuddaria i diligati lli muvimenti naziunalisti (PNC, Corsica Libera, Cori in Fronti è Femu a Corsica).
Quissa chivi pudaria analizà, criticà, è rifletta à suluziunà insemi i blucchimi è ustaculi chì pudariani affaccà ».
L’anziani militanti chjamani issi muvimenta « à ùn fà ni altra pruposta è à dà l’imagina di un fronti unitu, sustinindu u quattru di luddu a pruposta lla maiurità tarrituriali ».
Sur le même sujet
