Séminaire Italie-France Maritime : le regard de la Ligurie
(A redazzioni d'Alta Frequenza) - C'era marcuri in Bastia u prima seminariu di a sequenza 2014-2020 di u prugramma di cuuperazioni aurupeu Italia-Francia Marittimu. In anda dipoi u 2007, ssu prugramma t'hà com'è scopu di truvà sinergii ecunomichi è amministrativi trà i dui paesi, è soprattuttu trà a Corsica è rughjoni taliani com'è a Tuscana, a Liguria è a Sardegna. Parechji attori ecunomichi, di u mondu di u turisimu par asempiu, erini prisenti pà dibattiti longhi è suventi tennichi annant'à i prucedimenti chì ci vularia à metta in ballu. Senza entra in u ditagliu, appena troppu pisivu pà u publicu à dilla franca, s'hè parlatu par asempiu di cuuperazioni annant'à i quistioni di u turisimu, di i tennulugii novi, firmendu à tempu ind'u duminiu di i pussibilità à sfruttà, u tempu di i prughjetti ùn essendu ancu à ghjunghja, soprattuttu di pettu à l'ubligazioni imposti da a cumissioni aurupea.
Steti à senta à Laura Canale, chì raprisintava u rughjoni Liguria durant ssu seminariu.
Sur le même sujet
