Séminaire d'Inseme per Bastia entre fierté du travail accompli et recadrage des troupes par Gilles Simeoni
(A ridazzioni d'Alta Frequenza) - Ci hè statu un siminariu d’Insemi par Bastia, sabbatu, cù Pierre Savelli, l’eletti « Insemi » llu cunsigliu municipali, è dinò cù Gilles Simeoni, u prisidenti di l’esecutivu lla Corsica è anzianu merri di Bastia Issu siminariu ghjova da bilanciu, dopu à quattru anni è mezu d’azzioni ch’Insemi cunsidarighja ricchi di prughjetti novi è di midduranzi pà a cità. Dopu à un picculu dibattitu cù a sala, chì puri issendu à favori lla maiurità municipali, hà purtatu qualchì critica par certi punti pricisi, Gilles Simeoni hà presu a parolla da chjuda issu siminariu, vistindu si, pà l’uccasioni, cù i panni llu militanti fundatori d’Insemi par Bastia. È, d’una certa manera, si pò dì ch’iddu hà circatu à rimetta l’ordini in i so ranghi. Pricisendu capu nanzi a so fiertà pà u travaddu fattu, hà chersu à i militanti di dà si di rimenu da middurà a situazioni, inveci di lacà dì chì i cosi vani mali. Hà ramintatu ch’idd’ùn hè cosa asatta, pà issa famidda pulitica, di gistì tutti issi rispunsabilità novi, in cusì pocu u tempu. Par Gilles Simeoni, un militanti o un elettu chì si lacà ingavuddà in un filu nigativu manca à i so rispunsabilità, è un elettu devi rispittà u so mandatu, travaddendu da u spuntà llu soli sinu à a notti. Comu i piddarà, Pierre Savelli, i parolli di Gilles Simeoni ? L’avarà presa a so dicisioni pà i municipali di u 2020 ?
Ci rispondi u merri di Bastia
Sur le même sujet
