Semi Charlie : environ 25.000 personnes ont défilé dans toute la Corse aujourd'hui
(A redazzioni d'Alta Frequenza) - Sicondu i primi stimazioni, 25 000 Corsi erani in carrughju oghji pà i marchji rializati ind'u quadru di l'attentati di Parighji di a sittimana è chì ani inghjinnatu a morti di 17 parsoni. In Bastia, erani à pocu pressu 10 000 à essa partuti da u palazzu di Ghjustizia fin'è a piazza San Niculà. In Aiacciu, 10 000 parsoni sicondu a prifittura erani prisenti dinò, da a piazza di a gara fin'è davanti a Cullittività Tarrituriali di Corsica, passendu pà u corsu Nabuliò. Guasgi 2 000 parsoni ani marchjatu in Purtivechju. Altri parsoni ani marchjatu dinò in Ulmetu o in Sari Sulinzara. Pà ssa manifestazioni, parechji scritti "Je suis Charlie" di sicuru, scrittu dinò in lingua corsa "Simu Charlie, Semi Charlie). Tutti i categurii suciali è generaziunali erani raprisintati.
Sur le même sujet
