Seize personnes secourues par les sauveteurs en mer de la SNSM Prupià ce dimanche
Photo : SNSM Prupià
Duminica, in u Vaddincu, à a SNSM di Prupià l’hè tuccata à succora sedici parsoni.
In meza ghjurnata, i salvadori sò intarvinuti da purtà aiutu à deci parsoni ch’erani in difficultà versu Roccapina cù a so navi di 22 metra, chì era in avaria è chì a so ancura rasciulaia fundu.
Presi in contu da i salvadori, i parsoni è a navi sò stati missi in sicurità in portu di Prupià, in fin’di ghjurnata.
À pena innanzi à setti ori di sera, i salvadori sò intarvinuti dinò, da succora sei parsoni in difficultà cù a so navi di 18 metra, ch’era in avaria è à a malavia, è chì risicaia ancu d’arrinà si à nantu à a punta di Portipoddu.
Chivi dinò, i succorsi ani presu in contu i parsoni è a navi, è l’ani missi in sicurità in portu di Prupià.