Sécurité routière en Haute-Corse : un nouveau palier franchi dans la répression
(A redazzioni d'Alta Frequenza) - 265 accidenti, 25 morti, 313 feriti, eccu u bilanciu di l'accidenti stradali in Corsica Suprana pà l'annata 2015. S'elli ci sò stati trenta accidenti di menu di pettu à u 2014, u numaru di morti hè duppiatu, un sciffru chì si pò spiegà par asempiu da a prisenza in ssu bilanciu d'accidenti particularmenti murtali. Malgradu tuttu, nant'à quindeci anni, u numaru di morti nant'à i stradi hè calatu di 56%, u numaru di feriti di 268% è u numaru d'accidenti di 170%. Sciffri chì incuragiscini l'autorità amministrativi è a ghjustizia à cuntinuà i so sforzi. È a sola suluzioni vera saria a riprissioni. Hè in tutti i casi u parè di Nicolas Bessone, u prucuratori di a Republica di Bastia, chì hè divintatu torna più siveru nant’à u cartulari par asempiu di i parsoni chì cunducini dopu avè bitu troppu. Oramai, tutti l’abusi d’alcool, ancu i più minimi, si traducini da seguiti ghjudiziari, pà pudè fà spuntà a minaccia di a recidiva, chì si traduci in ssi casi quì da un’annulazioni subbitu di u parmissu di cunducia. I prufiziunali chì servini à bia è i patroni di i stabilimenti di notti si poni dinò ritruvà oramai missi in asamini quand’elli accadini l’accidenti, com’è un patronu di una discuteca di Corti chì passarà davanti a ghjustizia par umicidiu micca vulintariu in u quadru di un accidenti stradali induv’elli sò morti quattru ghjovani annu in u rughjonu di Corti.
Steti à senta à Nicolas Bessone.
Sur le même sujet
