Second tour des territoriales : la position du Rinnovu Naziunali
(A redazzioni d'Alta Frequenza) - Adunitu ssu marcuri in assemblea generali in Corti, U Rinnovu Naziunali hà presu una dicisioni pà u sicondu ghjiru di i tarrituriali. "Di pettu à i clani è à a cullata di i stremi francesi, ssa cualizioni ùn s'assumiglia micca eppuru à l'idea di a scelta patriottica ch'è no dumandemi noi, dipoi u 2009 è dinò à partasi di u primu ghjiru di ss'alizzioni tarrituriali", dici quissu quì fendu rifarenza à a lista d'unioni naziunalista. "Dinò, Rinnovu hà presu cunniscenza di a vulintà di "Per A Corsica" di crià un spaziu novu apartu à tutti i currenti prugressisti, ma aspittemi sempri una chjarificazioni cuncirnendu a missa in ballu di un quadru cumuu à u Muvimentu Naziunali, cumpostu oramai di currenti validati di manera demucratica da l'urni : Corsica Libera, Femu a Corsica, Rinnovu, senza quali nisun avanzata storica sarà uttenuta"; cuntinueghja ss'ultimu. U Rinnovu cuncludi dicendu : "i nostri alittori essendu omi è donni libari di ssu populu, postu chì i so voti ùn ci appartenini micca, i lachemi ditarminassi da par elli dumenica chì veni pà fà fronti contr'à i raprisintanti di l'arcaisimi clanisti è stremisti".
Sur le même sujet
