Sécheresse en Corse : les voyants globalement au vert
Photo : Julien Pernici
(A ridazzioni d'Alta Frequenza) - Sò quarant’anni ch’idd’ùn s’era vistu un mesi di luddu umidu com’è quissu, in Corsica. A infurmazioni a dani i sirvizia llu statu, l’uffiziu idraulicu lla Corsica è Meteò france, chì si sò ritrovi da fà u puntu par ciò chì tocca à a siccaghjina.
Cacciati u Fium’Orbu, chì u fiumu hè à pena siccu, è u Purtivichjacciu, chì a cunsumazioni in acqua franca è bè a media abituali, a situazioni idrica lla Corsica hè di quiddi chì poni cunvena.
Ùn ci saria dunqua nicissità à fà ristrizzioni. Ma quantunca, tocca à essa attenti à a risorza in acqua, masimu in u mondu agriculu, chì s’iddi s’affaccani i caldamoni, pudaria crescia u bisognu par annacquà.
Stemu à senta à Saveriu Luciani, u prisidenti di l’uffiziu idraulicu lla Corsica.
In quantu à a prifittura, dici chì i pieni di luddu ani missu in risaltu a nicissità di fà attinzioni bè, masimu pà l’attività fatti vicinu à punti d’acqua.
Stemu à senta à François Ravier, u prifettu llu Cismonti.
