Sébastien Lecornu nouveau Premier Ministre
Sò bastati 24 ori à emmanuel macron par metta un novu primu ministru. U prisidenti francesu ùn hè andatu à circà lu cusì luntanu, postu ch’iddu hà presu à quiddu chì sinu ad avali era ministru di l’Armati, sébastien lecornu.
D’età 39 anni, ùn si hà mai lacatu un guvernu da quand’iddu hè statu elettu emmanuel macron à a prisidenza francesa, in u 2017.
Issendu statu ministru di l’Oltri Mari innanzi di passà à l’Armati, hè statu u so portavoci mentri a crisa di i Gilecchi Giaddi, andendu ancu à animà i dibattiti civiti ind’iddu s’era impignatu u prisidenti.
Omu di a squadra strinta di macron, a foglia di rotta di sébastien lecornu hè di discorra cù tutta a riprisintazioni pulitica innanzi di prisintà un bughjettu, in li sittimani à vena.
Fatta quissa, hà da pudè custituì u so guvernu.
Un metudu altru par pruvà à escia da issa crisa pulitica.
Cù tutti issi cosi, a quistioni di l’autunumia lla Corsica duvaria essa suspesa pà uni pochi di sittimani.
