Schéma régional de santé : coup de pompe
(A redazzioni d'Alta Frequenza) - Zeru nant'à u fondu, zeru nant'à a forma! A vostra coppia ùn hè micca accettevuli! Hè ciò chì hà dicisu è vutatu arimani (marti) l'Assemblea di Corsica nant'à u schema righjunali di saluta. Omu si dubbitava bè dipoi parechji mesi chì l'elaburazioni di issu famosu schema ùn si facia micca ind'a serenità a più sana; ùn emi micca da rammintà quì i cunflitti assai duri chì ani toccu u longu periudu di priparazioni. Ùn emi micca da rammintà dinò chì issa frattura trà a Corsica è l'agenza righjunali di a saluta ùn hà micca cuncirnatu solu u mondu sindicali d'uspidali. A raprisintazioni pulitica dinò, qualsiasi a tindenza, hà fattu ricullà parechji volti u so timori nant'à l'urientazioni chì pighjava issu famosu schema righjunali. Eppo arimani, eccu! L'Assemblea hà datu un calciu ind'u furmiculaghju pà raghjoni ch'ella ci prisenta Agnès Simonpietri, pà u gruppu Femu a Corsica.
Écoutez Agnès Simonpietri
Sur le même sujet
