Schéma montagne : l'amorce réelle d'un renouveau économique ?
(A redazzioni d'Alta Frequenza) - 48 voti à prò ! Hè dunqua cù una maghjurità propiu cunfurtevuli chì l’Assemblea di Corsica hà aduttatu in fin di simana scorsa u so schema d’accunciamentu, di sviluppu è di prutezzioni di a muntagna corsa. Cartulari maestru di a mandatura, ssu schema hè unu di i puntelli maiò di ciò chì si pudaria chjamà una ricunquista di u spaziu rurali è muntagnolu. Parchì ci voli à dì chì a rivalurisazioni di l’internu, è dunqua di a muntagna, parolli aduprati di una gattiva manera duranti dicennii, raprisenta una di i basi principali di a rivindicazioni naziunalista, u fundamentu guasgi di a so lotta pulitica. Passà da « ci voli chì, basta à » à u principiu veru di un rinnovu puliticu, eccu u filu cusgitu cù pazienza da ssu schema.
Steti à senta à Ghjuvan Filici Acquaviva, presidenti di l’Uffiziu di trasporti di a Corsica è pà a circustanza dinò di u cumitatu di muntagna ; hà avutu un pesu impurtanti nant’à ssu cartulari.
