Schéma de développement économique : le bébé du Padduc ?
(A redazzioni d'Alta Frequenza) - U schema di sviluppu ecunomicu, d'innuvazioni è d'internaziunalisazioni, era u pizzonu di a sissioni di l'Assemblea di Corsica. Ssu ducumentu, veru Riacquistu Ecunomicu è Suciali t'avarà com'è scopu di prumova un mudellu di sviluppu ecunomicu diversificatu è equilibratu. A crescita, eccu u filu cunduttori di ssu schema è sarà arrimbata à a maestria di i trasporti è una strategia di l'innuvazioni arrimbata à un'ecunumia numerica. Di sicuru, l'agricultura di pruduzzioni è i filieri verdi, i cundizioni di vita inde l'internu, un'ecunumia suciali è sulidaria custituisciarani dinò u scheletru di u prughjettu. Prublema, ed hè maiò, ssu ducumentu devi essa in cuerenza tutali cù u Padduc eppo cù a legi NOTRe, arrichendu à tempu un soffiu novu in materia d'urientazioni ecunomica. Ecunumia diretta, ecunumia liberali, ssi dui visioni di u mondu sò stati cunfruntati, incalchendu à tempu nant'à a difficultà di truvà l'equilibriu ghjustu. Marie Antoinette Santoni Brunelli s'hè mossa assai nant'à ssu cartulari.
Eccu u so parè nant'à u "bambinu" di u PADDUC.
