Sauvetage en mer à Calvi
(A redazzioni d'Alta Frequenza) - Dui skippers taliani, chì erini annant'à un battellu à vela di 10 metri, partiti da la Ciotat par andà fin'è Macinaghju (Corsica Suprana), ani mandatu un missaghju à u Cross Corsica mentri ch'elli erini in difficultà sicondu a Prifittura Marittima di u Mediterraniu. Senza sparienza vera è à straziera par via di u gattivu tempu, ani dumandatu à essa aiutati. U Cross Corsica hà mandatu sopralocu l'elicotteru Puma di l'armata ghjuntu da A Sulinzara. Un'ora dopu, stanchi ma salvi è in bona saluta, i dui skippers sò stati traspurtati in elicotteru à l'uspidali di Calvi. U battellu hè statu presu in carica da una sucità spicifica fin'è u portu di Calvi.
Sur le même sujet
