Santé : l'ARS de Corse active un Plan Blanc régional
L’Agenza Righjunali lla Saluta hà missu in anda u pianu biancu pà i spidala lla Corsica, chì a incidenza è a pusitività, in l’isula, sò alti bè.
Cù issu pianu venini parichji misuri, da pittughjà si à crescita di l’uspitalisazioni.
« In Bastia, issa crescita hè chjara, in i sirvizia d’uspitalisazioni cunvinziunali o di trattamenta critichi llu spidali. I parcintuali d’accupazioni ghjunghjini à 79 %, è imponini l’apartura di novi capacità d’uspitalisazioni », dici l’ARS chì pricisa chì par Aiacciu, hè nicissaria d’avè calchì antivista, da adattà i capacità llu spidali ».
« Ma ci voli à santuarizà i filieri com’è l’urgenzi o l’uncologia (cù a vistichera è u diagnosticu), è quiddi d’ugni parsona ch’ùn pudaria attimpà a so presa in carica senza perda ni calchì binifiziu.
Ci voli à essa attenti dinò à i bisogna di presa in carica lla saluta mintali, masimu pà i minori è pà l’attività di vistichera è diagnosticu, rispittendu i reguli sanitarii », dici infini l’ARS.
Tutti issi misuri valini pà, à u minimu, 4 sittimani.
Sur le même sujet
