Salon de l'agriculture : Exigez l'authentique !
(A redazzioni d'Alta Frequenza) - U Salonu di l'Agricultura di Parighji cumpiarà issa dumenicata cù torna una volta un bellissimu successu di i prudutti corsi. Duranti deci ghjorni in fatti, nant'à i 500 m2 di u stand di a Corsica, millai è millai di visitori si sò mossi, è torna i risultati sò in leia cù ciò chì si spirava. Bunissimi risultati dinò pà i medagli, parchì 102 sò stati attribuiti à u rughjoni Corsica, qualsiasi i prudutti. U vinu hè bella sicura u maestru cù 75 medagli frà i quali 29 in oru, ma i prudutti fatti cù u latti cumenciani à truvà a so piazza cù 18 medagli frà i quali 6 in oru. Un affari hè sicuru, i millai di visitori chì ani tastatu i prudutti corsi erani sicuri di ùn micca truvà cavallu inde u figatellu, ma aldilà di iss'uchjata, ci hè un antru affari di sicuru : i prudutti di u rughjoni, paisani, autentichi ani apprufittatu daveru di a crisa di cunfidenza chì si campa oghji inde tuttu u settori agro alimentariu. Quist'annu, un sforzu particulari era statufattu pà piazzà u più luntanu pussibuli da u stand ufficiali di a Corsica i stands di i falsi prudutti corsi, quilli chì si servini di a maghjina purtata da i prudutti di a tarra corsa, prudutti chì t'ani cù a nostra isula cà un raportu più cà dubbitosu.
Écoutons Jean Marc Venturi président de la chambre d'agriculture de Haute Corse.
Sur le même sujet
