Saison touristique 2012 : la bataille des chiffres
(A redazzioni d'Alta Frequenza) - I sciffri, i sciffri, torna i sciffri ! Una volta di più quilli cuncirnendu a fraquintazioni turistica di a Corsica pà issa staghjoni 2012 ponini un prublema. Omu s’hè avvizzatu ind’è noi à arrimbà si nant’à i sciffri di i cumpagnii di trasporti, aerei è maritimi, da stimà a qualità di a staghjoni turistica. Ma , ùn ci hè tantu raportu trà i flussi di passaghjeri ind’i traspurtadori è quilli ch’omu ritrova ind’i strutturi di u turisimu dittu marcanti. Pà fà la simplici, si pò dì chì si pò avè una staghjoni turistica magnifica cù sciffri ind’i trasporti in calata è l’affari à l’arringuerciu pò dinò valè. Dopu à a calata custata prima à a staghjoni è soprattuttu quilla di u mesi di lugliu, ciò chì s’era privistu hè bè accadutu : u mesi d’aostu di u 2012, cù una crescita di più 4% di pettu à aostu di u 2011 hè statu un bunissimu mesi. Hè impurtanti d’insista torna nant’à a nuzioni di flussi parchì issu puntu hà inghjinnatu un scambiu assai vivu duranti l’ultima sissioni di l’Assemblea di Corsica trà Jean Biancucci, pà u gruppu Femu a Corsica è Vanina Pieri, a presidenti di l’Agenza di u Turisimu. Tuttu i viaghjadori chì pighjani l’avviò o i battelli pà andà è pà parta da a Corsica sò tutti clienti putenziali pà i strutturi turistichi di l’isula, fendu parti di u settori marcanti ?
Écoutons Jean Biancucci.
Sur le même sujet
