Saisie de transats à Portivechju : les réactions d'Eric Bouillard et César Filippi
La plage de Palombaggia
Cresci a liti trà i sirvizia llu statu è i prupriitarii di stabbilimenta di bor’di mari. Ci hè stat’un’azzioni, vulsuta da u prucuratori lla ripublica, contru à parichji d’issi stabbilimenta chì aviani stallatu carrechi longhi è altri strutturi à nantu à a rena, malgradu u ricusu d’auturisazioni d’accupazioni llu tarritoriu, datu da i sirvizia lla prifittura. In diversi stabbilimenta di Portivechju o Leci, i ciandarmi ani livatu dicini di carrechi longhi, à nantu à a rena ma ancu in i lucala d’issi cumerci.
Dici u prucuratori ch’idd’ùn si tratta chivi chè di fà rispittà a legi. Par iddu, u tempu lla pidagugia è lla cunciliazioni hè oramai finitu. Oghji, u Padduc devi essa rispittatu, da mantena è pruteghja u duminiu publicu marittimu
U stemu à senta
Par ciò chì tocca à i patroni, ci hè stata una riunioni toccu u primu dopu meziornu, in mirria di Portivechju, da sapè comu riagì à iss’affari. Dicini i patroni chì a ghjustizia ùn hè a stessa par tutti. Ben’ch’iddu li sichi statu coltu u matiriali, sò dicisi à cuntinuvà a so attività, senza aspittà a riunioni trà a prifetta è u merri di Portivechju, privista ghjovi. U Cullittivu hà ancu parlatu di u pusiziunamentu di l’esecutivu lla Corsica.
Stemu à senta à César Filippi
Sur le même sujet
