Rue de Lille: pas encore Matignon
(A redazzioni d'Alta Frequenza) - A famosa riunioni di u carrughju di Lille, ùn si parla ancu par avà di l'Hôtel Matignon, s'hè tinuta stamani (vennari) ind'un ambiu chì paria custruttivu. Ci aspittavami à una riunioni menu corta, un'ora è mezu à pocu pressu trà Manuel Valls, Marylise Lebranchu è a trentina d'eletti corsi. Com'è a pudiami sapè, ùn si trattava micca d'entra di manera effettiva ind'un prucedimentu di neguziazioni, erami piuttostu ind'un prima presa di cuntattu è ind'u spostu di i mutivi. Marylise Lebranchu hà fattu valè quantunqua un spiritu apartu à a cuncertazioni, tutti i cuncertazioni, rammintendu à tempu di manera chjara chì ci sariani sempri pà tali o tali puntu difficultà custituziunali. Tuttu u mondu si ritruvarà dunqua di farraghju pà metta in ballu un metudu di travaghju appena più pricisu è un calendariu di riunioni.
Sur le même sujet
