Rivière du Cavu : après la bilharziose en 2014, baignade autorisée mais sous surveillance
(A redazzioni d'Alta Frequenza) - 97% di l'acqua pà bagnassi in Corsica hè di bona o di bunissima qualità sicondu l'ultimu bilanciu di l'Agenza regiunali di a Saluta, vi n'emi dighjà parlatu. Malgradu calchì puntu neru pà ssi fiumi, bè cunnisciuti, ssu sciffru pusitivu ferma rigulari. Una minaccia hè stata scartata in particulari dipoi annu : quilla di a bilharziose in u Cavu, un fiumicellu vicinu à Santa Lucia di Purtivechju. A bilharziose, a ramintemi, hè una malatia liata à un varmu parasitu chì si sviluppeghja inde u sistema urinariu di l'omu. Ssu varmu t'hà bisognu di una piccula lumaga, u bulin, pà multiplicassi. Parechji casi aduniti di bilharziose urogenitali erani stati trovi in u 2014 da l'autorità sanitarii regiunali è naziunali. S'ellu era pruibitu di bagnassi à l'epica, ùn hè più u casu dipoi annu, ancu s'è ssu fiumicellu ferma in survighjenza, mentri chì parechji accunciamenti sò stati rializati nant'à u situ.
Eccu i pricisioni di Jean Dominique Chiappini, inginiori sanitariu in Corsica Suttana.
Sur le même sujet
