Risque incendie : fermeture de l'accès au massif de Bavella
(A redazzioni d'Alta Frequenza) - U ventu forti annunziatu pà i ghjorni chì venini in Corsica Suttana, cù in più di què una sicchia di a vegetazioni, facini tema un risicu di focu siveru pà i lochi di Bavella. Di pettu à a cunfigurazioni di u situ è di u risicu pà i parsoni chì passani pà ssi chjassi s'ellu piccia u focu, u prifettu di Corsica, cù un arrestatu prifitturali, hà presu parechji misuri, appiecati à partasi di ssu luni trà 8 ori di mani è 10 ori di sera. A circulazioni è u staziunamentu di tutti i vitturi u longu di a D 268 par andà fin'è A Sulinzara (PK29), à u ponti di Calzatoghju, sò pruibiti. Hè difesa dinò di viaghjà à pedi pà ssi lochi di muntagna, nant'à a parti di u GR20 trà Bavella è Conca, è à partasi da tutti i punti d'intrata trà a parti bassa di u paisolu di Bavella è a bocca di l'Aronu. Una siconda strada sarà aparta da a strada naziunali 198 (A Sulinzara/Purtivechju) è a strada dipartimintali 368 (Purtivechju/Zonza). Sicondu l'evuluzioni di u risicu, ssi misuri pudarani essa prulungati o micca.
Sur le même sujet
