Réunion du comité de suivi des fonds européens ce jeudi à la CTC
(A redazzioni d'Alta Frequenza) - A carotta è u bastonu ! Ss'infrasata pà rida di Gilles Simeoni riassumi bè a riunioni di u cumitatu di seguitu di i fondi aurupei urganizata ssu ghjovi à l'Assemblea di Corsica. U bastonu, hè a minaccia nant'à i cullittività tarrituriali chì si sariani ghjuvati pocu è micca di i fondi aurupei. A carotta, saria piuttostu una prima o una prima in più attribuita à quilli chì ani cunsumatu com'ellu ci voli i so crediti. Bisognu à pricisà chì ssa riunioni trà una dilegazioni di a Cumissioni aurupea, è soprattuttu Pierre Emmanuel Leclerc, rapurtardori regiunali di a DG REGIO, è l'Esecutivu di Corsica, hè stata urganizata ssu ghjovi pà fà un bilanciu di tappa di i prugrammi aurupei in Corsica. Si trattava dunqua di compia i travaghji nant'à i prugrammi aurupei 2007-2013, ma dinò di fà un bilanciu propiu pricisu di l'avanzata di i prugrammi 2014-2020. Ci voli à sapè chì i stituzioni aurupei facini propiu casu à com'elli viaghjani i prugrammi aurupei ind'i regioni. Sapè induva è comu sò aduprati i soldi di a Cumunità aurupea, eccu u rolu di Pierre Emmanuel Leclerc. Gendarmu di l'Auropa o micca ?
U stemi à senta.
Sur le même sujet
