Réunion ce jeudi à l'Assemblée de Corse du Comité de suivi de la situation sanitaire
Ghjovi, à a dumanda llu Prisidenti di l’Esecutivu, si hè riunitu à l’Assemblea u cumitatu d’accumpagnamentu lla situazioni sanitaria.
Dopu discorsu, l’eletti, u prifettu, i riprisintenti llu mondu ecunomicu è suciali, di l’ARS, è quiddi llu sittori midicali è sanitariu ani dittu a so vulintà di truvà un passu trà i misuri nicissarii à a prutizzioni lla saluta è quiddi nicissarii à u mantinimentu d’una vita suciali è d’un’attivtà ecunomica nurmali quant’iddu si pò.
Par austu, ani datu validazioni à l’unanimità d’issi punti :
- A nicissità di sicurizà à veru u flussu lli passaghjera ch’entrini o escini, ch’idda sichi par via aeriana o marittima.
- A nicissità d’attivarì a campagna di vaccinazioni, arrimbendu si à u vulintariatu.
- A nicissità di metta in anda, incù cundizioni campatoghji pà i prufiziunali, u principiu d’un Pass sanitariu pà l’evenimenti fistivi di l’istati.
- A nicissità di vultà à un’appicazioni strinta di i gesti di prutizzioni, è à u rispettu di l’usu lla mascara quand’idd’hè nicissaria.
Paul-André Colombani, diputatu è medicu, era d’issa riunioni, è ci ni faci u riassuntu.
I dibattiti in ghjiru à l’ublicu vaccinali è i so cunsiquenzi, quiddi d’un passu à truvà trà libartà publichi è ristrizzioni sanitarii (stesa di u Pass), si farani in i riunioni à vena.
Paul-André Colombani, diputatu lla siconda circuscrizzioni pumuntinca, era d’una d’issi riunioni in parigi.
Ci spieca a so pusizioni parsunali è i so vota.
Sur le même sujet
