Rétro janvier 2012 : 305 674 habitants en Corse en 2009 et problématique du logement selon l'INSEE
(A redazzioni d'Alta Frequenza) - Chì avenimentu ci voli à ritena di l'annu 2012 ? Tutti i televisiò, radii, ghjurnali di Francia, è forsa d'altrò si sò lanciati inde iss'opara tradiziunali. Pà noi, chì ci cunsacremi solu à a Corsica, emi sceltu, à mezu à i dodici mesi di l'annu 2012, dui avenimenti forti, o in tutti i casi dui avenimenti chì ani da custituiscia l'essenziali di l'attualità di issu mesi quì. Avenimentu forti di u mesi di ghjinnaghju di u 2012, l'annunziu di l'ultimu sciffru ufficiali di a pupulazioni di l'isula. 305 674 abitanti in Corsica in u 2009 ! Eccu u sciffru diffusatu da l'INSEE u 17 di ghjinnaghju di u 2012. Ma, ci voli à fà casu parchì, par via di un metudu di calculu, si tratta bè di u sciffru di u 2009 è oghji, vistu i graffichi di criscenza, si pò aghjustà largamenti 10 000 unità in più. U sciffru ufficiali di a pupulazioni ditta "legali", quilla presa in contu da l'amministrazioni, hè in crescita di 17,5 % nant'à 10 anni. Senza suspresa, Aiacciu ferma a cità a più pupulata di Corsica cù 64 000 abitanti, suvitata da Bastia cù 44 000 animi è Purtivechju à più di 11 000. L'istitutu di sundami hà fattu un studiu specificu nant'à l'evuluzioni di a situazioni ind'u settori di l'alloghju. Postu chì a pupulazioni cresci, u numaru d'alloghji cresci inde prupurzioni chì bastani pà cuntità à tuttu u mondu ? Innò, u numaru d'alloghji custruiti in Corsica cresci più à lestra cà a dumanda lucali a pudaria ghjustificà, ciò chì spieca ind'una parti, tutti i tinsioni liati à u fundariu, à a speculazioni immubiliari, o ancu à cunsiderazioni ancu di più gravi.
Écoutez Alain Tempier, directeur régional de l'INSEE.
Sur le même sujet
