Retro 2012 : le logement vu par Simon Renucci
(A redazzioni d'Alta Frequenza) - Cuntinuemi a nostra restruspettiva di l'annu 2012 cù u mesi d'aprili; mesi duranti u quali a campagna eletturali s'hè accelerata daveru. U prublema di u fundariu ùn hè micca un prublema di finaziamentu ma bè quillu di una vulintà pulitica! Era l'affirmazioni di Benoît Apparu, à l'epica ministru di l'alloghju, à l'uccasioni di u so viaghju in Corsica. L'alloghju è u fundariu spuntavani dighjà tandu com'è u prublema maiò di a Corsica è i candidati ùn s'erani micca sbaghjati mittendu issu sughjettu à u centru di i primuri eletturali. U ministru di Nicolas Sarkozy avia dichjaratu ch'ellu ùn ghjova à nulla di dumandà cù forza è mughji finanziamenti in più da a parti di u Statu, s'è issi finanziamenti ùn si poni investiscia, a colpa à una mancanza di dispunibilità finanziarii è à una vulintà pulitica. Dapoi tandu, hè passatu u tempu : l'assemblea di Corsica hà travaghjatu assai nant'à issu sughjettu da appruntà u so PADDUC è u FLNC, in leia diretta cù a situazioni fundaria è immubiliari, hà ripresu i so azzioni di notti. A cità d'Aiacciu è Maria Giudicelli erani stati particularmenti tocchi à l'uccasioni di una cunfarenza di stampa nant'à issa prublematica di u fundariu. Simon Renucci avia vulsutu riagiscia à l'uffesi forti rispundendu ad ogni puntu à a parsona "mandata spicialmenti" da Nicolas Sarkozy.
On écoute le Maire d’Ajaccio
Sur le même sujet
