Retraités: le mécontentement toujours
(A redazzioni d'Alta Frequenza) - Parechji sindicati chjamani a so ghjenti, simpatizanti è u publicu à mubilizà si pà una ghjurnata naziunali d'azzioni numarosi marti chì veni pà fà sapè a so scuntentezza contr'à a pulitica di u guvernu nant'à i ritirati. In Corsica, dopu à a CGT, tocca à u STC di fà ssa dumanda. U sindicatu naziunalistu voli dinunzià cù forza parechji misuri di u guvernu chì, à parè soiu, ani dighjà fattu perda à i ritirati una parti impurtanti di u so puteri di cumprà, cù menu 4% in 5 anni di u tempu di Sarkozy, è l'affari và ancu peghju dipoi a ghjunta à u puteri di François Hollande è di Jean Marc Ayrault. Dopu à ciò chì hè statu presa nant'à a dipindenza di 0,30% in u 2013 chì passarà à 0,50% in u 2014, è desindessazioni d'1% di i ritirati cumplementarii in u 2013, i ritirati "si devini aspittà à u peghju" sicondu u STC, timendu a crescita di a TVA o ancu parchì micca di a CSG da quì à calchì mesi. Aldilà di ssi cunsiderazioni naziunali, Jacky Rossi, pà l'Associu di i Ritirati Corsi STC, s'hè intarissatu particularmenti à a situzioni di i ritirati di Corsica.
Ecoutez-le.
Sur le même sujet
