Retour sur la manifestation de soutien aux prisonniers nationalistes corses ce samedi à Bastia
Sabbatu in Bastia, sò stati 1500 parsoni à senta ni l’urganisatori, 650 à senta ni i forzi di l’ordini, ad avè presu u carrughju in sustegnu à i prighjuneri naziunalisti corsi.
Issa manifistazioni si hè fatta da risponda à i chjami di l’associu Sulidarità, di u cullittivu Patriotti è di u muvimentu Nazioni. Prighjuneri d’avali o anziani prighjuneri, tocchi da u FIJAIT, danni è intaressi impurtanti à pagà : issa situazioni ùn si pò suppurtà, pà i manifistanti.
À mezu à l’aienti mubilizati, c’erani calchì riprisintenti d’altri partiti naziunalisti, è c’era ancu una manata d’eletti.
Issa manifistazioni, u dui di marzu, vinia ancu à ramintà l’assaltu murtali contru à Yvan Colonna, u dui di marzu llu 2022.
Sciolta ch’idda fù, un gruppu di circa quindici parsoni hà tiratu cocktails molotov à nantu à i forzi di l’ordini, chì ani rispostu tirendu gasi lacrimatoghji.
Un manifistanti si hè fertu à u sicondu gradu, par 14 % di a so parsona, in u spinu è à nantu à u bracciu.
Par Sulidarità, era impurtanti issa mubilisazioni, da ripeta u bisognu d’un rigulamentu di a quistioni di i prighjuneri, par pudè avanzà.
Steti à senta à Thierry Casolasco.
Ùn hà dittu altri affari u cullittivu Patriotti, chì u rigulamentu di a quistioni corsa ùn pò viaghjà senza u rigulamentu lla quistioni di i prighjuneri.
Steti à senta à Jean-Philippe Antolini.
Sur le même sujet
