Le Direct

Restriction temporaire d’accès au canyon de la Purcaraccia à Bavedda

Dopu ch’iddi sichini mossi in Bavedda, issu 10 d’austu, u prifetta è parichji eletti, hè statu fattu un puntu par ciò chì tocca à u passaghju pà issu situ.

A Ciandarmaria d’Alta Muntagna, i spinghjifoca llu SIS2A è i prufiziunali ani datu u so parè.
Trà a vaddi lla Sulinzara è i furchi di Bavedda, i turisti ci sò in quantità.

I vii di spassighjati o di canyoning sò imbricati bè, hà dittu u prifettu.

I vaschi lla Purcaraccia, cunnisciuti bè via i reti suciali, sò avvinti ugni ghjornu da tanti parsoni chì, di difficultà è risichi, ùn ni sani tanti affari.

Chivi, quist’annu, ci sò stati 11 accidenti gravi, è par disgrazia una parsona hè morta. In gran’parti, l’affari succedini ind’iddi si bagnani l’aienti.

È par issi chjaccarona, i mezi airiani ani à chì fà à intarvena.

Parvia di tutti issi cosi, u prifettu hà riduttu l’accessu à a Purcaraccia : ùn ci pudarani andà chè i gruppi accumpagnati da un prufiziunali abilitatu.
Issa misura vali da ghjovi, u 12 d’austu à marcuri, u 15 di sittembri.