Restos du cœur Corse : la mobilisation de la commune d'Eccica Suaredda
Cù a pricariità è a inflazioni chì crescini, sò sullicitati sempri di più, in Corsica, i « Restos du Cœur ».
Sò sempri di più, ugni annu, i parsoni à pudè ni binifizià : in cunsiquenza, i bisogna crescini ancu iddi. Masimu ch’iddu si hè stesu, u tarritoriu di l’intarventi : oramai i « Restos » sò prisenti in campagna quant’è in cità.
Avendu fattu issu custatu, uni pochi di municipalità ani dicisu d’impignà si. Cusì n’hè di a cumuna d’Eccica è Suaredda. U merri, Pierre Poli, hè beddu sinsibilizatu à issa quistioni di a pricariità in i cumuni di l’internu, ed hè par quissa ch’iddu hà sceltu d’agì, urganizendu una raccolta.
Steti lu à senta.
I cunfraterniti di u rughjonu è a parochja sò impiganti ancu iddi.
Dici Preti Chistophe Boccheciampe ch’idd’hè impurtanti chì a ghjesia sichi in cori à i pinsera lla sucità, è ch’idda faccia valè u so duveri d’aiutu.
Steti lu à senta.
Issa raccolta duvaria permetta d’aiutà i « Restos » in i so missioni d’ugni ghjornu.
Chì oghji, più chè mai, bisognu ci n’hè.
Steti à senta à Raymond Ceccaldi, u prisidenti di i « Restos » corsi.