Résolution sur la dérive mafieuse adoptée par l'Assemblée de Corse : les prises de parole politiques
A sissioni di l’assemblea di Corsica cunsacrata à i malavii maffiusini si hè aparta cù a presa di parolla di parichji eletti, ma ancu quidda di u prisidenti di l’esecutivu è di a prisidenti di l’assemblea.
Unu di i primi à parlà hè statu Gilles Simeoni. Pà u prisidenti di l’esecutivu, ugnunu t’hà rispunsabilità, parlendu d’issa quistioni d’alta primura pà a Corsica.
Gilles Simeoni, senza scantà u travaddu ch’iddu devi fà u statu, hà rispostu à a quistioni ch’iddi si ponini tanti parsoni : chì sarà u travaddu di l’assemblea di pettu à issi prublimatichi ?
Steti lu à senta.
Dopu à parichji ori di dibattiti trà i gruppi pulitichi, è dopu à una prima stunda à discorra cù l’associ antimaffia, ùn ci sò ghjunti l’eletti di l’assemblea à senta si pà una risuluzioni cumuna à tutti.
Sarani dunqua dui à essa prisintati.
A prima, prisintata è sustinuta da l’esecutivu, da a prisidenza di l’assemblea è da l’eletti di tutti i tindenzi llu naziunalismu, hè stata vutata senza a participazioni di u gruppu « Un Soffiu Novu ».
U gruppu di dritta avia prisintatu a soia, a risuluzioni, chì pratindia chì a viulenza pulitica d’iss’ultimi anni era una di i causi di i malavii maffiusini. Hè stata ben’intesa righjittata.
Senza unanimità nè voci cunsinsuali, si hè chjusa issa siduta spiciali di l’assemblea.
Eccu chivi a risuluzioni vutata da a maiurità di l’eletti di l’assemblea di corsica.
Ghjunta l’ora di vutà pà l’una o l’altra di i risuluzioni pruposti da luttà contru à i malavii maffiusini, parichji voci si sò fatti senta.
Jean-Martin Mondoloni hà vulsutu spiicà a diffarenza maiori trà a risuluzioni maiuritaria è quidda llu so gruppu, ch’ùn hè stata vutata.
À senta lu ad iddu, a viulenza pulitica d’iss’ultimi anni hè d’issi fattori chì ani favurizatu i malavii maffiusini in Corsica.
Steti lu à senta.
Sur le même sujet
