Le Direct

Résidence Rosa Verde à Ville-di-Pietrabugno : l'avenir s'éclaircit

(A redazzioni d'Alta Frequenza) - Vennari, Alain Thirion, u prifettu di Corsica Suprana, è Michel Rossi, u merri di E Ville di Petrabugnu, accumpagnati da i so servizi rispittivi, ani adunitu pruprietarii è lucatarii di a residenza Rosa Verde, chì dipoi una falata di petri impurtanti u 19 d'uttrovi di u 2015 ùn sò più autorizati à campacci, postu chì u casali faci l'ughjettu di un arrestatu di periculu. Prima, grazia à i meccanisimi di a legi Barnier, a prifittura di Corsica Suprana hà uttenutu un inviluppu pighjendu in carica tutti i spesi pà allughjà torna l'abitanti tocchi à i quali ss'ultimi sò stati sottumessi dapoi tandu. Pruprietarii è lucataria chì ùn sarani micca ubligati à pagà i so tassi d'alloghju è fundaria dopu avè neguziatu cù u Tisoru Publicu. Ma a vera dumanda era di sapè s'è a residenza pudia riceva torna i so abitanti un ghjornu. È dopu à un studiu prufondu di a BRGM, a risposta à ssa dumanda hè iè. Malgradu tuttu, pudarà intarvena solu dopu à travaghji impurtanti di rinforzu di a carriera cuncirnata, travaghji chì sarani ingaghjati dopu à studii cumplementarii è marcati publichi, è chì pudariani bè parmetta un ritornu in u casali, à u minimu in parti, à u principiu di u 2018.

Steti à senta à Alain Thirion, u prifettu di Corsica Suprana.