Report du playoff ACA - Le Havre : la réaction d'Alain Orsoni
(A Ridazzioni d'Alta Frequenza) - U scontru di Liga 2 trà l’AC Aiacciu è u Havre FC ùn si hè ghjucatu vennari sera. Versu i 7 ori di sera, u carru di i ghjucadori di u Havre hè statu accoltu, à una cinquantina di metra llu stadiu, da parichji dicini di parsoni. U carru si hè buscu pitrati, fumu è fulgari. Unu d’issi fulgari l’avaria toccu è missu in panna. Da issu mumentu, ci sò stati i discussioni trà i rispunsevuli di i dui squadri è i forzi di pulizza. Malgradu a pruposta di l’aiaccini di metta à dispusizioni un carru di rimpiazzamentu, da carrià i ghjucadori di u Havre sinu à u stadiu, ùn ani vulsutu quiss’altri falà da u carru fermu in panna. Hè cusì chì, versu 8 ori di sera, u prifettu à dicisu d’annulà u scontru. Par avali, ùn ci n’hè statu dicisioni da sapè quandu righjucà lu, è u tempu hè pocu ! Pà l’ACA, i dirighjenti ani datu una cunfarenza di stampa dopu à st’evenimenti. Hà spiicatu, Alain Orsoni, chì a squadra ùn era par nudda rispunsevuli d’issi fatti. Pà l’ACA, l’azzuffi sò stati à nantu à u duminiu publicu, tuccaia dunqua à i forzi lla pulizza à dà mezi in più da parà l’incidenti.
Sintiti a riazzioni d’Alain Orsoni
Sur le même sujet
