Report de la visite en Corse de Gérald Darmanin : diverses réactions politiques
Dopu ch’iddu sichi statu fattu l’annunciu di u rinviu di a visita in Corsica di gérald darmanin, u ministru francesu di l’internu, sò stati parichji i riazzioni pulitichi.
U PNC apponi à u statu francesu a rispunsabilità di a digradazioni di l’ambienti puliticu, parvia di a so azzioni contru à u muvimentu indipindintistu.
Ma u pinseri più forti hè altru.
Pà Jean-Christophe Angelini, postu ch’in parti issa riunioni saria attimpata parvia di i discussioni ch’ùn avanzani in u mondu puliticu corsu, ci hè urgenza à pruducia u famosu scrittu cumunu dumandatu da u prisidenti macron, mentri u so discorsu chì mintuvaia a pussibilità d’un’autunumia pà a Corsica.
Steti à senta à Jean-Christophe Angelini.
Pensa Cori in Fronti chì scrittu cumunu ùn ni vinarà. Pà u muvimentu, in una dimucrazia, unu scrittu devi essa maiuritariu, è l’unanimità ùn pò essa un ublicu.
In ugni manera, parvia di l’arristazioni d’issi pochi ghjorna, è parvia di u statu quo in i cartulari ditti FIJAIT, ùn avia privistu Cori in Fronti di participà – par casu ch’iddu ci fussi statu – à un pranzu ripublicanu.
Pà Nazioni, in ugni casu, ùn era un binvinutu gérald darmanin. Dici u muvimentu ch’iddu hè u riprisintanti di unu statu chì hà rinfurzatu a so pulitica riprissiva.
Steti à senta à Petr’Antò Tomasi.
Valérie Bozzi, di u gruppu « Un Soffiu Novu », rigreta ch’idda sichi stata attimpata a visita ministiriali.
A coprisidenti di u gruppu dici chì ancu sè gérald darmanin t’hà calchì argumentu da spiicà issu rinviu, ferma oramai pocu tempu.
Steti la à senta.
