Rentrée sociale morose pour la CGT
(A redazzioni d'Alta Frequenza) - Hè un pezzu chì ùn hè più festa duranti a riintrata suciali, è l'annata 2015 n'hè a cunfirmazioni. A CGT, chì chjama dighjà à fà una greva maiò in tutti i settori l'8 d'uttrovi, t'hà parechji cartulari à amintà pà ssa riintrata. Com'è dapartuttu, ci sò inchietudini liati à a legi Macron è à i mudifichi prufondi di u codeci di u travaghju ch'ella pudaria inghjinnà. Eppo, à un nivellu più corsu, u cartulari SNCM, cù pruprietarii novi pussibuli chì t'ani un puntu cumunu à u minimu : quillu di veda u so prughjettu ricusatu da u sindicatu, chì dinunzia da un'antra banda un gennaru di monopolu privatu chì saria in traccia di custituisciasi cù a Corsica Ferries. Dinò, u prughjettu di cullittività unica è ciò ch'ellu pudaria inghjinnà à u nivellu di a calata di u numaru d'istituzioni faci nascia a collera di a CGT, chì và fin'è tema pà u mantenimentu di l'impieghi in prifittura, unicu pianu chì sicondu a riforma duvaria tena u so rollu attuali ancu in Bastia malgradu a fini di i dui dipartimenti da quì à u 2018.
Steti à senta à Jean Pierre Battestini pà a CGT.
Sur le même sujet
