Rentrée pour la quarante-sixième promotion de l'IRA de Bastia
Marcuri, u Stitutu Righjunali d’Amministrazioni di Bastia, unu di i cinqui IRA di francia, hà fattu a so riintruta. Uttanta novi stazianti funziunari sò d’issa 46esima prumuzioni. Ùn sò chè sei, trà quissi, i corsi.
A fiminisazioni di i prumuzioni veni cunfirmata, postu chì 64 % di l’elevi sò donni.
Nudda ùn hè cambiatu à veru dipoi a riforma llu 2019 : ci sò dui prumuzioni di sei mesa, inveci d’una sola di novi mesa.
L’IRA hè sempri una bedda porta d’intruta versu i posti di quadru amministrativu di a funzioni publica di statu. Ma sò parichji i stazianti funziunarii à piddà dopu a strada lla funzioni publica tarrituriali.
Steti à senta à Gérard Clerissi, u dirittori di l’IRA di Bastia.
Trà l’elevi d’issa prumuzioni, ci hè Anaïs : d’età 24 anni, hè di i novi stazianti funziunarii isciuti da u dispusitivu Prépa Talents.
Ghjunta da l’IPAG di Montpellier, spieca ch’idda hà sceltu l’IRA di Bastia piuttostu chè i quattru altri parvia di u bel’gudè ch’idda porghji a Corsica. Ma ben’intesa ùn hè a so sola mutivazioni.
A ghjuvanetta, chì brama d’entra à u sirviziu lla funzioni publica di statu, hà sceltu à Bastia pà uttimizà i so pussibilità d’essa mandata in u Meziornu di a francia o in parigi : l’IRA di Bastia hè à spissu quiddu ind’iddi sò pochi l’elevi, à dumandà a capitali francesa.
Steti à senta à Anaïs.