Rentrée 2013: pas de stress pour le recteur
(A redazzioni d'Alta Frequenza) Dopu à i so prufissori arimani (ghjovi), più di 47 000 elevi facini a so riintrata oghji in Corsica, vali à dì quattru ghjornu dopu à u cuntinenti. À pocu pressu 25 000 elevi di u primu gradu è più di 22 000 ind’u sicondu (cù par asempiu 13 000 ind’i culleghji è 6 000 ind’i licei ghjinirali). I sciffri esatti sarani ben intesu cunnisciuti à l’uccasioni di a tradiziunali cunfarenza di stampa di riintrata di u rettori d’accademia, a settimana chì veni. Dopu à a riescita tremenda arrighjistrata quist’annu pà u bascigliè ghjinirali, com’è di regula dipoi parechji anni – a Corsica hè ghjunta siconda nant’à l’insemi di l’accademii francesi - hè evidenti chì inde l'istanzi cumpetenti i più alti, ognunu vularà fà listessu o ancu meghju. Una riintrata micca com'è tutti l'altri à u nivellu naziunali, par via di a missa in ballu in certi cumuni di a riforma di i ritimi sculari, chì ni cuncirnarà solu una dicina ind'è noi. Un novu eserciziu 2013-2014 cù priurità maiò pà u rettori d'accademia, à u nivellu di u rinnovu è di u sviluppu di l'insignamenti ma micca solu. Ùn emi micca dumandatu à Michel Barat un'analisa sana di a situazioni, ma ci semi intarissati piuttostu à i so primi sintimi.
Ecoutez le recteur d'académie.
