Le Direct

Rénovation urbaine du quartier de la Cité des Monts à Bastia officialisé : une étape importante pour l'Office de l'Habitat

In fin’di sittimana scursa, a mirria di Bastia, a prifittura llu Cismonti è l’Uffiziu di l’abitatu lla Corsica ani ufficializatu u finanzamentu llu novu prugrama di rinuvera urbana di Bastia. Ci n’hè par 44 miliona d’auri è parichji cintunai d’alloghja, ch’iddi sichini custruzzioni novi o rinovi. U puntu maestru d’issu prughjettu sarà a ristrutturazioni di a « Cité des Monts », in u quartieri dittu « Cité Aurore ».

104 alloghja sarani lampati da pudè avvià issa ristrutturazioni, chì u so scopu hè d’apra u locu è fà strada à un mischiu suciali, cù a ricustruzzioni di circa 60 alloghja suciali è in accissioni à a prupriità.

In cori à issu prugrama, ci sarà dinò a risidinzialisazioni di parichji cintunai d’alloghja. L’affari hè impurtanti à veru pà u benistà di l’abitanti, à senta ni à Pierre-Jean Romani, u dirittori di l’Uffiziu di l’abitatu lla Corsica.