Renforcement des contrôles routiers pour le réveillon de la St Sylvestre
(A redazzioni d'Alta Frequenza) - 2014 cunnosci i so ultimi ori, è sò numarosi i corsi chì s’approntani à fistighjà u passaghju à l’annu novu ssu marcuri u 31 di dicembri. Un mumentu induva l’eccessi sò impurtanti assai suventi, soprattuttu pà ciò chì tocca a cunsumazioni d’alcool. Hè par quissa chì, com’è tutti l’anni dipoi sei anni oramai, a prifittura di Corsica Suttana urganizava ssu marti, cù i forzi di l’ordini, una distribuzioni d’éthylotests chì poni essa aduprati una volta à a pupulazioni aiaccina. Trà a cità impiriali è i so lochi vicini, Bunifaziu, Sulinzara è Purtivechju, 1 500 éthylotests sò stati distribuiti da fà chì tuttu ognunu si pudissi cuntrullà da par sè prima di pighjà a so vittura. Pà ssu 31 di dicembri ci sarani di sicuru com’è sempri i famosi cuntrolli stradali à l’ori è pà i lochi i più sinsibuli, cù più di centu pulizzeri è gendarmi mubilizati in tuttu u dipartimentu.
Steti à senta u Generali Thierry Cayet, chì cumanda u rughjoni di gendarmerie di Corsica.
Sur le même sujet
