Remaniement ministériel : Christophe Castaner à l'Intérieur, Jacqueline Gourault à la Cohésion des Territoires
(A ridazzioni d'Alta Frequenza) - Hè solu cù un cumunicatu chì l’elisea hà annunciatu i cambiamenti lla squadra guvirnamintali d’Edouard Philippe. Ufficialmenti, mudificazioni prufundi ùn ci n’hè. Eppuri, pà i ministera impignati in lli cartulari lla Corsica, i cambiamenti ci sò stati. Un intimu llu prisidenti Macron, Christophe Castaner, hè statu fattu ministru di l’internu. Jacqueline Gourault duventa ministra di a cuisioni lli tarritoria è di i rilazioni cù i cullittività tarrituriali, issu postu issendu statu accupatu, nanzi ad idda, da Jacques Mézard. Da gistì u casu lla Corsica, ci pudaria ancu essa un’altru niguziatori, Sebastien Lecornu, ministru in carica lli Cullittività Tarrituriali à fiancu à Jacqueline Gourault. À u ministeru di l’agricultura, Stephane Travert hè rimpiazzatu da Didier Guillaume, chì fù sucialistu.
Sur le même sujet
