Regions et peuples solidaires et le réferundum en Nouvell-Caledonie
(A ridazzioni d'Alta Frequenza) - In un cumunicatu di stampa ghjuntu à a ridazzioni, « Régions et Peuples Solidaires » parla di u rifarendu à vena, duminica ch’entri, in Canacchia. « 165 anni dopu à u principiu lla culunisazioni francesa lla Canacchia, è 30 anni dopu à u rifarendu chì hà cunvalidatu l’accordi ditti di Numeà, i Novi Caliduniani avarani u drittu, infini, di scedda u so avvena ». Ramenta u muvimentu chì « u drittu à l’autoditirminazioni hè un drittu univirsali, ch’ùn si pò livà à nimu nè ceda, è chì pò fà sbuccià dritti spicifichi à una minurità, o ancu a criazioni d’una cullittività à statutu particulari, o a riunificazioni d’un tarritoriu, o un’autunumia, o ancu infini una suvranità, com’è in Canacchia ». « Tocca oghji à i Novi Caliduniani, è à nimu d’altru, di scedda trà dui prughjetta di sucità » dici infini u muvimentu .
