Le Direct

Réfugiés syriens en Corse : l'inquiétude de la LDH, fin de la garde à vue pour le skipper allemand

Chì ni sarà di i rifughjati siriani ghjunti in Portivechju trè ghjorna fà ? Ùn si sà ancu, par avali.

Ad oghji, sò sempri allughjati in un albergu lla cità llu sali.
Via un cumunicatu, dici a Liga lli Dritti di l’Omu ch’idda s’inchieta d’issa situazioni : « ziteddi, donni è omini sò allughjati in un albergu, è ùn ci hè manera d’avè li dipoi marcuri à sera. Impiditi da i ciandarmi, l’eletti ùn l’ani pussuti veda ».
A Liga si dumanda « s’idd’hè statu presu un arrestu par piazzà li in una zona d’attesa pruvisoria, da ghjustificà issu trattamentu ».

In quant’à l’alimanu chì purtaia u battellu, si hè finita a so guardia à vista. Par iddu, hè stata aparta una inchiesta à mutivu « d’aiutu à a intruta di frusteri in situazioni irrigulara à nantu à u tarritoriu » .

À senta ni a pracura d’Aiacciu, ùn saria di quiddi chì facini passà l’aienti pà un’urganisazioni, ma ghjustu un amicu d’issa famidda siriana. Li saria dunqua pussibuli d’andà si ni da a Corsica da quì à calchì ghjornu.