Réforme : il faut se hâter, mais pas doucement
(A redazzioni d'Alta Frequenza) - U Cumitatu Strategicu hà urganizatu a so 5ima riunioni in fin di sittimana scorsa. C'era di sicuru ind'u prugramma a riforma di l'istituzioni cù a difinizioni nova di i tarritorii è a ghjunta di una guvernenza nova. Pà falla à l'accorta, a dumanda hè di sapè s'ellu ci voli à caccià u nivellu dipartimintali è istituiscia una cullittività unica senza ch'ellu s'assumigliessi troppu à què? S'ellu ci pari di veda un accunsentu inghjiru à a vulintà d'andà ver di una cullittività unica, quistioni di primura devini essa arrigulati malgradu tuttu. In fatti, inde ss'uzzioni chì sarani i maneri pà vutà, comu sarani raprisintati i tarritorii o comu sarani spartuti i posti. Altru prublema, ed hè maiò, quillu di l'almanaccu! S'è l'alizzioni cantunali sarani urganizati à u mesi di marzu, ssa riforma sarà lampata à caternu parchì ùn si vedi micca cunsighjeri eletti chì hè pocu fassi Hara-kiri intrendu ind'una cullittività unica. Ci voli à movasi dunqua, è micca pianament'è bè, com'elli a dumandani certi cunsighjeri tarrituriali di diritta. Pierre Chaubon, u presidenti di u cumitatu strategicu hè bè cuscenti di a prissioni imposta da u calendariu, eppuru ci credi.
Steti à senta à Pierre Chaubon.
Sur le même sujet
