Réforme des collectivités : le débat se poursuit
(Alex Bertocchini - Alta Frequenza) - Chì tarritorii pà chì cumpetenzi è cù chì mezi ? A sola furmulazioni di a quistioni laca spuntà tutta a cumplessità di u dibattitu apartu stamani (vennari) à l'uccasioni di u cungressu di i merri di u Pumonti. Si tratta ben'intesa di a riforma di i cullettività tarrituriali è di modu più pricisu di i schemi dipartimintali di cuuperazioni intercumunali. Quandu si sà ciò chì hè accadutu in Cismonti, à prupositu di issa quistioni difficiuli di cuuperazioni intercumunali, si pudia pinsà ch'ella saria dinò u casu pà a Corsica Suttana ! È innò ! Di pettu à i pruposti di riurganisazioni di u tarritoriu fatti da u Statu,30% di i cumuni ani vutatu di sì, circa 30 % si sò upposti è ciò chì firmava hè sempri inde l'incertezza. Hè vera chì a dichjarazioni di François Fillon calchì ghjornu fà,hà disturbatu assai. A legi sarà appiecata ma ùn la sarà micca par forza ; hè a duttrina nova mustrata da Parighji è quissa quì hè bella sicura valevuli pà a Corsica.
Ecoutons Jean Jacques Panunzi, président du département de Corse du Sud.
Sur le même sujet
