Réforme constitutionnelle : le PNC ne lâche rien
(A redazzioni d'Alta Frequenza) - Ssu marcuri, u ghjurnali Arritti prisintava u so numaru d'aostu, un numaru di vulgarisazioni, sicondu u ghjurnali, di u prughjettu Chaubon di riforma istituziunali. L'uccasioni di vultà nant'à ssu cartulari cù i membri di u PNC, frà i quali i membri i più alti facini parti dipoi un pezzu di a so redazzioni. S'è a cunfidenza nant'à a so aduzzioni da l'Assemblea à a fin di sittembri hè forti più cà mai, i dichjarazioni novi di u presidenti di l'esecutivu Paul Giacobbi andendu inde ssu sensu, si pensa dighjà à dopu, è par asempiu à i discussioni chì suvitarani cù u guvernu è di manera più glubali u Statu s'è tuttu si passa bè. Pà u PNC, s'ella ci hè un'adunita larga inde l'emiculu isulanu, u guvernu, pinsendu à membri com'è u ministru di l'Internu Manuel Valls chì sò propiu upposti à un'evuluzioni pussibuli di a custituzioni inde ssu duminiu, ùn si pudarà micca parmetta d'uppona un ricusu seccu à u risicu d'andà nant'à u tarrenu di a negazioni di a demucrazia.
On écoute Jean-Christophe Angelini
