Réforme constitutionnelle : L'analyse de Pierre Chaubon
(A redazzioni d'Alta Frequenza) - 46 IÈ - 5 INNÒ : u votu di l'Assemblea di Corsica nant'à u raportu Chaubon avarà inghjinnatu un'unanimità larga. Micca un accunsentu dittu "mollu", ma un bellu accordu cù ssu raportu prisintatu da a cumissioni di i cumpetenzi legislativi è rigulamentarii, è chì purtarà cù forza u missaghju di a Corsica in Parighji. Dopu à scontri longhi, è discussioni à parechji, i cunsighjeri tarrituriali ani dicisu dunqua chì a Corsica t'avia u so postu ind'a custituzioni, è solu trè eletti di a manca republicana è dui di u gruppu cumunistu ani vutatu contru. I dibattiti è i spiecazioni di votu t'aviani un veru carattaru puliticu, è aldilà di i cunsiderazioni ghjuridichi è tennichi, studiati di manera fina bellu prima par asempiu, s'hè risintutu, inde l'emiciculu, una vera voglia d'avanzà, è di prupona à a Corsica una suluzioni cuprendu duminii numarosi. Pierre Chaubon, quillu chì purtava u raportu, era di sicuru cuntentu di un risultatu simuli, soprattuttu chì ssu votu guasgi à l'unanimtà, ùn hè micca statu faciuli. Ci hè vulsuta una strada longa, ancu intelletuali pà ghjunghja fin'è sta cuesioni.
Écoutons Pierre Chaubon.
