Réduction du prix du fret : Corsica Libera pour un pays où la vie est moins chère
(A redazzioni d'Alta Frequenza) - L'Uffiziu di i Trasporti di a Corsica hè riisciutu ss'ultimi mesi à fà calà u prezzu pà u trasportu di i marcanzii ind'u marittimu d'8%. Un'avanzata vera pà Corsica Libera, chì si devi accumpagnà oramai d'una cunsiquenza pusitiva ind'a borsa di u cunsumatori sicondu u partitu. Corsica Libera chjama in fatti à l'urganisazioni u più prestu pussibuli d'una riunioni di neguziati trà l'UTC, a presidenza di l'Assemblea di Corsica, i camari cunsulari è tutti l'attori ecunomichi cuncirnati. A grandi distribuzioni hè in mira, è quissa quì devi, d'appressu à Corsica Libera, investiscia à u minimu una parti di ssa calata ind'a calata significativa di i prezzi di a sporta di a mamma di famighja. Una suluzioni chì parmittaria à tuttu ognunu d'essa pusitivi sicondu Corsica Libera, parchì una misura simuli parmittaria a crescita di u puteri di cumprà.
Steti à senta à Eric Simoni pà Corsica Libera.
