Réduction des polluants des navires : des solutions existent
(A redazzioni d'Alta Frequenza) - S'ellu ùn si pò fà nulla contr'à i nivuli di polvara chì ghjunghjini da u Sahara, si pò agiscia è abbastanza in furia contr'à u fumu di un battellu in u portu d'Aiacciu. Hè ciò chì hè spuntatu dopu a riunioni in fin di simana scorsa à l'Assemblea di Corsica è chì hà adunitu a raprisintazioni pulitica, ecunomica è assuciativa intarissata da ssa prublematica. Deci volti i valori di a norma in materia d'elementi fini inde l'aria, eccu ciò chì hè statu custatatu à u mumentu u più forti di a crisa. L'arristati prifitturali pà riducia à u più ssi cunsiquenzi nant'à l'aria sò stati rispittati da certi, ma micca da altri. EDF è a CAPA par asempiu ani riagitu in furia pighjendu i misuri nicissarii, ma i battelli in u portu d'Aiacciu ani cuntinuatu a ghjurnata sana à righjittà u so fumu tossicu. Eppuru, ci sò suluzioni, com'ellu a ci dici l'associu Aria Linda, chì s'intaressa dipoi anni è anni à ssu prublema.
Steti à senta à Jean Nicolas Antoniotti, u so raprisintanti.
