Redécoupage intercommunal : le mécontentement de l'Alta Rocca
(A redazzioni d'Alta Frequenza) - U prifettu di Corsica prisintava ssu ghjovi u prughjettu di Schema Dipartimintali di Cuuperazioni Intercumunali di a Corsica Suttana. Pà u raprisintanti di u Statu, raprisenta "una tappa nova ambiziosa ind'a pulitica di riforma di i cullittività lucali, in u quadru di a legi NOTRe". U dipartimentu saria in fatti urganizatu in 5 intercumunalità, inveci d'11 oghji. U schema privedi dinò a dissuluzioni di 25 sindicati di cumuni trà u 2017 è u 2020. I raprisintanti di i sfarenti cumunità di cumuni erani aduniti davanti a prifittura di Corsica pà dì u so disaccordu cù certi aspetti di u prughjettu. Un asempiu, a cumunità di cumuni di l'Alta Rocca chì s'unisci cù quilla ditta di u "Sud Corse" è di a "Côte des Nacres". Una perspettiva chì ùn rallegra mancu appena à Pierre Marcellesi.
Steti à senta à Pierre Marcellesi, u presidenti di a cumunità di cumuni di l'Alta Rocca.
