Rassemblements de Femu A Corsica : 600 personnes environ entre Ajaccio et Bastia
Circa 250 parsoni in Aiacciu, circa 450 in Bastia : a scumissa di Femu a Corsica d’accodda ghjenti da ramintà à u guvernu i so rivindicazioni pà u trasportu marittimu, i prighjunera o a spiculazioni ùn hè stata di quiddi trimendi.
Ma u muvimentu si dici suddisfattu d’issu primu passu in lu prucessu lli rivindicazioni. Un affari chì a maiurità voli purtà in cuncirtazioni è senza capuralisazioni, hà dittu sabbatu Jean Biancucci, u prisidenti llu gruppu à l’assemblea.
Dici Femu a Corsica di vulè stà à senta à tutti, da pudè difiniscia insemi a manera d’agiscia.
Ramintemu chì u PNC è Corsica Libara ùn aviani rispostu à l’invitu pà iss’accolta.
Cori in Fronti, inveci, avia datu una risposta pusitiva.
Par ciò chì tocca à i rivindicazioni, una piccula apartura ci saria : Gilles Simeoni è jacqueline gourault avariani discorsu arimani.
Steti à senta à Jean Biancucci.